ملک میں کورونا وائرس دن بہ دن سنگین رخ اختیار کرتا جارہا ہے اور کورونا متاثرین کی مجموعی تعداد 14 لاکھ 35 ہزار 453 ہوگئی ہے۔
وزارت صحت کی جانب سے جاری کردہ تازہ ترین اعداد و شمار کے مطابق گزشتہ 24 گھنٹوں کے دوران 49 ہزار 931 نئے کیسز رپورٹ ہوئے ہیں وہیں اس دوران اس مہلک وبا سے 708 افراد لقمہ اجل بنے ہیں۔
اس کے ساتھ ہی ملک میں ہلاک شدگان کی تعداد32 ہزار 771 ہوگئی ہے۔
وزارت صحت کے مطابق ملک میں کورونا وائرس متاثرین کی تعداد 14 لاکھ 35 ہزار453 ہوگئی ہے جبکہ اس مہلک وبا سے اب تک 9 لاکھ 17 ہزار 568 افراد صحتیاب ہوئے ہیں اور 32 ہزار 771 افراد کی موت ہوئی ہے۔
فی الحال ملک میں 4 لاکھ 85 ہزار 114 فعال کیسز ہیں۔
