کسی بھی ممکنہ خطرے سے نمٹنے کے لیے اسکرنینگ کا سلسلہ جاری ہے۔
بودھ گیا میں کورونا وائرس سے لوگوں کی حفاظت کی جارہی ہے۔
بودھ گیا بین الاقوامی ہوائی اڈے سے مہابودھی کے مندر آنے والے غیر ملکی مسافروں کی جانچ کی جارہی ہے۔
محکمہ صحت نے ایئرپورٹ اور مندر کے قریب ڈاکٹروں کی دو الگ الگ ٹیمیں تشکیل دی ہیں۔
ان دونوں جگہوں پر 2609 مسافروں کی اسکریننگ کی جاچکی ہے۔ تمام مسافر وائرس سے محفوظ ہیں۔
بودھ گیا عالمی شہرت یافتہ شہر ہے اور یہاں بودھیسٹوں کا روحانی مرکز ہے ، ہرروز ہزاروں سیاحوں و عقیدت مند کی آمد کا سلسلہ یہاں جاری رہتا ہے۔
بودھ گیا میں مہابودھی مندرکے علاوہ مختلف ممالک کی مندر ہیں ، جس میں چین کی بھی ایک مندر ہے ۔
چین مانیسٹری مندر میں چینی باشندوں کی آمد کم ہوگئی ہے ۔
یہاں دیکھ ریکھ کرنے والا اسٹاف کمار نے کہاکہ پچاس فیصد سے زیادہ چینی باشندوں کی تعداد میں کمی آئی ہے ۔
اس کے علاوہ ڈاکٹر ایس کے سنگھ نے بتایا کہ اسکریننگ کے دوران مسافروں میں سے کسی میں کورونا وائرس کے آثار نہیں ملے ہیں۔ابتدائی جانچ کی جاتی ہے ۔ایک فارم ہے جس میں روزانہ آنے والے بیرونی سیاحوں کے تفصیلات درج ہوتی ہیں اور پھراسکے بعد کاونسلنگ ہوتی ہے ۔
مندر کے قریب دو مختلف ٹیمیں ہیں۔ تفتیشی ٹیم کو مکمل الرٹ پررکھا گیا ہے۔
بنیادی طور پر چین، ہانگ کانگ، بینکاک، ویتنام تھائی لینڈ سے آنے والے تمام مسافروں کی جانچ کی جاتی ہے۔
اگر کورونا وائرس کا کوئی شبہ پایا جاتا ہے تو ، اسکریننگ کے بعد انہیں میڈیکل سنٹر کے الگ وارڈ میں محفوظ رکھا جائے گا۔
یہاں 30 بستروں والا ایک محفوظ وارڈ الگ سے بنایا گیا ہے۔ ٹیسٹ کٹ بھی یہاں محفوظ طریقے سے رکھا گیا ہے۔
اگر کوئی ممکنہ مریض مل جاتا ہے تو اسے خون کے ٹیسٹ کے لئے پونے بھیجا جائے گا۔
تاہم ضلع میں اب تک اس طرح کے مریض نہیں پائے گئے ہیں ۔
مہابودھی مندر کی حفاظت میں تعینات ایک پولیس افسرنے بتایاکہ انہیں اعلی حکام کی ہدایت ہے کہ مندر میں داخل ہونے سے قبل بیرون ملک کے سیاحوں کومیڈیکل کیمپ میں بھیجنا ہے۔
ضلع ہیلتھ کی جانب سے بتایاگیا ہے کہ 28 جنوری سے اب تک2609 افراد کی جانچ ہوئی ہے ۔
اس کے علاوہ گیا ہوائی اڈے پربھی جانچ کے سخت انتظامات کئے گئے ہیں ۔
انتظامیہ کی جانب سے ڈاکٹرز کی ٹیم کو الرٹ پررکھنے کادعوی کیاگیا ہے۔
