اس بیان پر احمدیہ مسلم جماعت گجرات کے انچارج سید عبدالہادی کاشف نے ای ٹی وی نمائندہ سے بات چیت کرتے ہوئے کہا کہ احمدیہ مسلم ایک امن پسند جماعت ہے، جس کی بنیاد بھارت کے شہر قادیان میں سن 1889 میں رکھی گئی۔
اسلام کی تعلیمات کے مطابق یہ جماعت امن و سلامتی، بین المذاہب ہم آہنگی، بنی نوع ہمدردی اور محبت فروغ دینے والی جماعت ہے۔
اس جماعت کی انہیں خوبصورت تعلیمات کی وجہ سے آج یہ دنیا کے 213 ممالک میں معروف ومشہور ہے۔ جماعت احمدیہ کا ہر فرد اپنے ملک بھارت کا وفادار ہے جو وطن سے محبت اپنے ایمان کا حصہ سمجھتا ہے اور وطن کی فلاح و بہبود اور ترقی کی خاطر ہر خدمت کے لیے ہمیشہ تیار رہتا ہے۔
انہوں نے مزید کہا کہ یہ جماعت دنیا میں امن کے قیام کے لیے کوشش کرنے والی جماعت ہے ایسی پر امن جماعت کو آتنک واد کے ساتھ جوڑنا سخت نا انصافی اور ظلم ہے جماعت احمدیہ بھارت کے متعلق ناواقفیت کا ثبوت ہے۔ ہم اس کی سخت مذمت کرتے ہیں۔
انہوں نے کہا کہ جماعت احمدیہ کا نعرہ 'محبت سب کے لیے نفرت کسی سے نہیں' ہے۔ جماعت احمدیہ ہر سطح پر انتہا پسندی کے خلاف آواز اٹھانے والی جماعت ہے، اسے ہر گز دہشت گردی سے نہ جوڑا جائے۔ ایسی پرامن جماعت کو دہشت گردی سے جوڑنا سخت نا انصافی اور ظلم ہے، اور جماعت احمدیہ بھارت کے متعلق ناواقفیت کا ثبوت ہے۔
