وزیراعظم نے ویڈیو شیئرکرکے ان بچوں کی حوصلہ افزائی کی

ویڈیو کو شیئر کرتے ہوئے وزیر اعظم نے کہا ہے کہ ان بچوں نے کورونا سے بچنے کے لئے لوگوں کو کھیل کے ذریعے ایک بہت بڑا سبق دیا ہے، جس پر ہمیں عمل کرنا چاہئے۔

عالمی سطح پر کورونا وائرس کے انفیکشن سے بچنے کے لیے سماجی دوری کیسے بنائی جانی چاہئے اور اس وبا سے خود کو کیسے محفوظ رکھنا چاہئے اس تعلق سے ریاست جھار کھنڈ کے دارالحکومت رانچی کے علاقہ چانہو گاؤں کے اسکول کے بچوں نے ایک دوسرے کو بہت ہی آسان ڈھنگ میں کورونا وائرس کے پھیلاؤ کو سمجھانے کی بہترین کو شش کی ہے جس کی ویڈیو بہت تیزی سے وائرل ہورہی ہے اور خود پی ایم مودی نے بھی اسے شیئر کیا ہے۔

اس ویڈیو میں بچے نے کورونا جیسی خطرناک بیماری کی روک تھام اور سماجی دوری کو انتہائی آسان زبان میں بیان کیا ہے۔ اس کی وجہ سے پی ایم مودی نے بھی اپنے ٹویٹر پر اس ویڈیو کو شیئر کرکے ان بچوں کی حوصلہ افزائی کی ہے۔

بچوں نے اینٹوں کے ذریعے بتایا کہ ہم کورونا وائرس کے انفیکشن سے سماجی دوری کو برقرار رکھتے ہوئے سبھوں کو کورونا سے کیسے بچا سکتے ہیں۔