آندھراپردیش کے وزیر اعلی جگن موہن ریڈی منگل کو وزیر اعظم نریندرمودی سے ملاقات کریں گے۔ سرکاری ذرائع کا کہنا ہے کہ تقریبا 8 ماہ بعد وزیر اعظم کے ساتھ براہ راست ملاقات میں وہ ریاست میں حل طلب معاملات پر تبادلہ خیال کریں گے۔
وزیراعلیٰ جگن کے دہلی دورے پر قیاس لگایا جارہا ہے کہ وائی ایس آر کانگریس این ڈی اے حکومت میں شامل ہوگی۔
تاہم، بی جے پی اور وائی ایس آر حلقوں نے اس کی تصدیق نہیں کی ہے۔
وزیر اعلی جگن آج صبح 10:40 بجے وزیر اعظم نریندر مودی سے ملاقات کریں گے۔
ریاست کے حل طلب مسائل پر وزیر اعلی جگن وزیراعظم نریندر مودی سے تفصیلی بات چیت کریں گے۔ رواں برس فروری میں جگن نے مودی سے راست ملاقات کی تھی۔ جس کے بعد لاک ڈاون کے دوران ویڈیو کانفرسز کے ذریعہ مذکورہ رہنما بات کرتے رہے۔
آج ہونے والی ملاقات میں بہت سے اہم مسائل پر تبادلہ خیال کیا جائے گا۔ سمجھا جارہا ہے کہ دو تلگو ریاستوں کے مابین چل رہے آبی تنازعہ پر بھی گفت و شنید ہوگی۔
یہ بھی پڑھیں:اپنی زبان کے استعمال سے ہی ترقی ممکن: ڈاکٹر نشنک
