دہلی کے اتم نگر جے جے کالونی میں واقع قبرستان میں آس پاس کے لوگ برسوں سے اپنے مردوں کو دفناتے آ رہے تھے۔
یہ قبرستان فلڈ ڈیپارٹمنٹ کی طرف سے سرکاری طور پر 1967 میں الاٹ کیا گیا تھا۔ جب پرانی دہلی سے کچھ لوگوں کو اجاڑ کر وہاں بسایا گیا تھا۔
فی الحال وہاں ایک خود ساختہ 'مسلم منتظمہ کمیٹی' کی جانب سے آس پاس کے علاقوں کے مردوں کو دفنانے سے منع کردیا گیا ہے۔
شکایت موصول ہونے پر دہلی اقلیتی کمیشن کے صدر ڈاکٹر ظفرالاسلام خان نے دہلی جل بورڈ کے سیکریٹری کو خط لکھ کر معاملے کی تحقیقات کی ہدایت دی ہے۔
ظفرالاسلام نے اپنے خط میں قبرستان کے الاٹ کیے گئے شرائط کی تفصیلات کا بھی مطالبہ کیا ہے۔
کمیشن نے اپنے خط میں کہا ہے کہ سرکاری طور سے الاٹ کردہ قبرستان میں کسی خودساختہ کمیٹی کے کہنے سے آس پاس کے علاقوں کے مردوں کو دفنانے سے نہیں منع کیا جاسکتا ہے۔
کمیشن نے تین ستمبر تک سیکریٹری دہلی جل بورڈ کو اس سلسلے میں جواب دینے کا وقت دیا ہے۔
