سنٹرل بورڈ آف سیکنڈری ایجوکیشن (سی بی ایس ای) کے ذریعہ دسویں جماعت کے نتائج کا آج اعلان کردیا گیا ہے۔
فروغ انسانی وسائل کے مرکزی وزیر رمیش پوکھریال نشنک نے آج ٹویٹ کرکے بتایا کہ دسویں جماعت کے نتائج 15 جولائی کو دوپہر بعد جاری کردیئے گئے ہیں، اس کے ساتھ ہی انہوںنے کامیاب طلبا وطالبات کو مبارک باد پیش کی۔۔
واضح رہے کہ 26 جون کو سپریم کورٹ میں سماعت کے دوران سی بی ایس ای بورڈ نے کہا تھا کہ وہ 10ویں اور 12 ویں کے نتائج 15 جولائی تک جاری کرے گا۔
اپنے بیان کے مطابق سی بی ایس ای بورڈ نے 13 جولائی کو 12ویں جماعت کے نتیجہ جاری کیے تھے، اسی کے ساتھ ہی دسویں جماعت کے نتائج آج جاری کیا جائے گا۔
طلبا اپنے نتائج سی بی ایس ای کی آفیشیل ویب سائٹ cbseresults.nic.in یا cbse.nic.in پر دیکھ سکتے ہیں، سی بی ایس ای دسویں کا نتیجہ جاننے کے لیے طلبا کو اپنے رول نمبر کی ضرورت ہوگی۔
