کرناٹک کے شہر یادگیر کی کئی سڑکوں پر آوارہ جانور کھلے عام گھوم رہے ہیں۔ جس کی وجہ سے کئی بار شہر میں حادثے بھی ہوئے ہیں۔
امبیڈکر سرکل سے کنکا نگر سرکل تک اس کے علاوہ بخاری چوک اور گنج سرکل جیسے بھیڑ بھاڑ والے علاقے کی سڑکوں پر آوارہ جانور کھلے گھوم رہے ہیں۔
اس کی وجہ سے عوام کو کافی پریشانی کا سامنا کرنا پڑ رہا ہے۔
ایک مقامی نوجوان نے اپنا نام نہ بتانے کی شرط پر کہا ہے کہ 'لاک ڈاؤن کے دوران سڑکوں پر حمل و نقل تو معطل ہے۔ لیکن خالی سڑکوں پر آوارہ جانور مزے سے گھوم رہے ہیں'۔
انھوں نے مقامی انتظامیہ سے کہا ہے کہ 'وہ فورے کارروائی کرتے ہوئے جانوں کو اچھی جگہ منتقل کردے اور ان کے لیے قیام و طعام کی معقول سہولیات بھی فراہم کرے'۔
مقامی نوجوان کرشنا مرلی کا کہنا ہے کہ 'جانوروں کے تحفظ کا دم بھرنے والی تنظیمیں اور محکمہ بلدیہ اس جانب توجہ نہیں دے رہا ہے'۔
ایک اور شخص نے بتایا کہ 'ان جانوروں کی بہتر سے بہتر دیکھ بھال حکومت اور مقامی انتظامیہ کی ذمہ داری ہے'۔
