'میں نے رائل سیما کو ترقی یافتہ علاقہ بنایا ہے'

تلگو دیشم کے صدر چندرابابونائڈو نے ایک بار پھر جگن حکومت پر زور دیتے ہوئے کہا کہ  امراوتی کو ہی دارلحکومت رکھا جانا چاہئے۔

چندرابابو نائڈو نے دعوی کیا کہ آندھرپردیش کے علاقے رائل سیما کو انھوں نے ترقی یافتہ علاقے میں تبدیل کیا۔ چندرابابو نائڈو نے کہا کہ جگن موہن ریڈی کو رائل سیما کی تاریخ پر ایک نظر ڈالنے کی ضرورت ہے، کیونکہ رائل سیما کے تمام آبی پراجکٹز ان کے دور اقتدار میں بنے ہیں۔ انھوں نے وزیر اعلی جگن موہن ریڈی کی کارکردگی پر سوال کرتے ہوئے کہا کہ جگن کے اقتدار میں آنے کے بعد سے ریاست مں بیرونی سرمایہ کاری رک گئی ہے۔

رایل سیما کی ترقی آنجہانی وائی راج شیکھر ریڈی کےدور میں ہونے کے دعوے کو چندرابابو نائیڈو نے مسترد کردیا اور کہا کہ وہ خود رائل سیما سے تعلق رکھتے ہیں اور انھوں نے علاقے کو ترقی یافتہ بنایا۔اس موقع پر انھوں نے کہا کہ تلگودیشم مرکزی حکومت کے بنائے شہریت ترمیمی قانون، اور مجوزہ این پی آر، اور این آر سی کے خلاف ہے۔

آندھرپردیش میں ان دنوں امراوتی کو دارلحکومت برقرار رکھنےکو لیکر بڑے پیمانے پر احتجاج کیا جارہا ہے، اس کے باوجود حکومت نے تین شہروں کو دارلحکومت بنانےکا اقدام کیا ہے۔