مرکزی حکومت نے مرکزی ملازمین اور پنشن یافتگان کے لئے مہنگائی بھتے میں پانچ فیصد اضافہ کرنے کا اعلان کیا ہے۔
وزیر اعظم نریندر مودی کی صدارت میں بدھ کو یہاں ہوئی کابینہ کی میٹنگ میں یہ فیصلہ کیا گیا ۔میٹنگ کے بعد اطلاعات و نشریات کے وزیر پرکاش جاوڈیکر نے ایک پریس کانفرنس میں یہ اطلاع دی۔
مسٹر جاوڈیکر نے بتایا کہ مرکزی ملازمین اور پنشن یافتگان کے لئے مہنگائی بھتہ 12 فیصد سے بڑھا کر 17 فیصد کر دیا گیا ہے۔ اس کے لئے حکومت پر 16 ہزار کروڑ روپے کا اضافی بوجھ پڑے گا۔
انہوں نے بتایا کہ حکومت کے اس فیصلے سے مرکزی حکومت کے 50 لاکھ مرکزی ملازمین اور پنشن یافتگان کو فائدہ ملے گا۔
