برازیل کے صدر جائر بولسنارو نے برازیل میں وبائی صورت حال کے بارے میں جائزہ لیا ہے۔
صدر برازیل نے کورونا وائرس کی وبا کو روکنے کے لئے وسیع پیمانے پر سماجی دوری پر زور دیا ہے۔
جائر بولسنارو نے کہا ہے کہ 'حد سے زیادہ خطرہ کی وجہ سے برازیل کے لوگوں کو الگ تھلگ کیا جانا چاہئے'۔
لاطینی امریکہ کے بڑے ملک برازیل میں کووڈ۔19 نے نہایت ہی بھیانک صورت حال اختیار کی ہے۔
برازیل کے مشہور شہر ریو ڈی جنیرو اور کم از کم چار دیگر بڑے شہروں میں طبی عہدیداروں نے متنبہ کیا ہے کہ 'ان کے اسپتالز کا نظام تباہ ہونے کے دہانے پر ہے۔ اس کے علاوہ ضرورت سے زیادہ مریضوں کو لینے کے لئے مجبور کیا جارہا ہے'۔
صحت کے ماہرین نے توقع کی ہے کہ '211 ملین افراد کے ملک میں انفیکشن کی تعداد میں حد سے زیادہ اضافہ ہو گیا ہے'۔
قدرتی وسائل سے مالا مال ایمیزون کے سب سے بڑے شہر ماناؤس کے صحت حکام کا کہنا ہے کہ 'ایک قبرستان میں اجتماعی قبریں کھودی گئی ہے، کیوں کہ اتنی ساری ہلاکتیں ہوچکی ہیں کہ اب جگہ کی قلت محسوس ہورہی ہے۔
اطلاعات کے مطابق صحت کارکن ایک دن میں 100 لاشوں کو دفن کررہے ہیں جو کورونا وائرس سے ہلاک ہورہے ہیں۔
