بی جے پی کی قومی جنرل سکریٹری ڈی پورندیشوری نے واضح کیا ہے کہ جنوبی ہند کی ریاستوں میں بی جے پی کو بنیادی سطح سے مستحکم کرنے کا نشانہ ہے۔
انہوں نے پارٹی کی جانب سے انہیں نئی ذمہ داری دیئے جانے پر پارٹی کے قومی صدر جے پی نڈا کے ساتھ ساتھ مرکزی وزیرداخلہ امیت شاہ اور وزیراعظم نریندر مودی سے اظہار تشکر کیا۔
پورندیشوری نے پرکاشم ضلع میں میڈیا سے بات کرتے ہوئے کہاکہ تلگو ریاستوں تلنگانہ، آندھراپردیش کے ساتھ ساتھ تملناڈواور کیرل میں بنیادی سطح سے پارٹی کو مستحکم کیاجائے گا۔ان ریاستوں کے پارٹی صدور کو اس نشانہ کے ساتھ کام کرنے کی ضرورت ہے۔انہوں نے کہا کہ اے پی کے تین دارالحکومتوں کے مسئلہ پرمرکز کا رول محدود ہے۔
