نڈا نے آج دہلی سے ڈیجیٹل ذرائع سے ہریانہ کے چھ اضلاع میں پارٹی دفاتر کا افتتاح کرنے کے بعد پارٹی کے لیڈران اور کارکنان کو مخاطب کرتے ہوئے یہ اطلاع دی۔ انہوں نے کہا کہ سال 2014 میں جب مرکز میں بی جے پی کی حکومت بنی تو اس وقت وزیراعظم نریندر مودی نے کہا تھا کہ کیونکہ تنظیم کے سبب پارٹی کی حکومت بنی ہے اس لیے ان کی خواہش ہے کہ تنظیم کو مضبوط کرنے اور پارٹی کی سرگرمیوں کو جلا بخشنے کے لئے سبھی ریاستوں اور ضلع سطح پر دفاتر کی تعمیر ہو۔
انہوں نے کہا کہ مودی کی خواہش کو عملی شکل دینے کے لیے پارٹی کے موجودہ قومی صدر اور آج ملک کے وزیر داخلہ امت شاہ نے تبھی سے ریاست اور ضلع سطح پر دفاتر کی تعمیر کو اپنے ایجنڈے میں شامل کرنا شروع کردیا۔انہوں نے بتایاکہ آج ملک بھر میں 500اضلاع میں پارٹی دفتر تعمیر ہوچکے ہیں اور 400اضلاع میں یہ کام جاری ہے، کہا کہ ،’’میں آپ سبھی کو یقین دلاتا ہوں کہ باقی سبھی دفتر کو جلد تعمیر کرکے مودی جی کی خواہش کو پورا کروں گا۔‘‘
یہ بھی پڑھیں: 'مودی کی یہ جیت نہیں ای وی ایم کا گھوٹالا ہے'
مسٹر نڈا نے کہا کہ ضلع جند دفتر کا افتتاح مسٹر شاہ کرچکے ہیں۔آج چھ اضلاع حصار،فتح آباد،نوح،سونی پت،پلول اور ریواڑی دفاتر کا افتتاح ہوا ہے۔اگلے ماہ اگست میں سات اضلاع کروکشترا،کرنال،یمنا نگر،پانی پت،مہیندرگڑھ،جھجر اور فرید آباد ضلع دفاتر کا افتتاح کیا جائے گا۔اسی سال نوبر میں گروگرام،روہتک،پنچکولہ،امبالہ،کیتھل،دادری اور بھیوانی میں دفتر زیرتعمیر ہیں ان کا افتتاح کیا جائے گا۔
پروگرام میں مسٹر نڈا کے ساتھ پارٹی کے ریاستی امور کے انچارج انل جین دہلی سے اور مسٹر کھٹر کے علاوہ بی جے پی ریاستی صدر اوم پرکاش دھنگھڑ اور پارٹی عہدیداران،وزراءکونسل کے ممبران،اراکین پارلیمنٹ واسمبلی اور دیگر سینئر رہنماوں نے ڈیجیٹل ذرائع سے موجودگی درج کرائی۔
