بی جے پی رہنماؤں کا شیاما پرساد مکھرجی کو خراج تحسین

قبل ازیں وزیراعظم نریندر مودی نے شیاما پرساد مکھرجی کو خراج تحسین پیش کیا تھا، وزیر اعظم مودی نے ٹویٹ پیغام میں کہا کہ 'شیاما پرساد مکھرجی ایک سچے محب وطن تھے'۔

بی جے پی کے سینیئر رہنماؤں سمیت مرکزی وزراء نے ڈاکٹر شیاما پرساد مکھرجی کے مجسمے پر گلہائے عقیدت پیش کیا۔

اس دوران مرکزی وزیر ڈاکٹر ہرش وردھن نے بی جے پی کارکنان سے خطاب کرتے ہوئے شیاما پرساد مکھرجی کی خدمات کو یاد کیا، اور پارٹی کارکنان سے اپیل کہ وہ کولکاتا میں واقع ڈاکٹر شیاما پرساد مکھرجی کے گھر جا کر ان سے متعلق معلومات حاصل کریں۔

ان کا کہنا تھا کہ کولکاتا میں واقع شیاما پرساد مکھرجی کے گھر پر ان کی مختلف تصاویر کی نمائش لگائی گئی ہے، ان نمائش کے ذریعے ان کی خدمات کے بارے میں اہم معلومات حاصل کی جا سکتی ہیں۔

وہیں دہلی بی جے پی کے صدر آدیش کمار گپتا نے دہلی میں واقع شہید اسمارک میں ان کے مجسمے پر گلہائے عقیدت پیش کرنے کے بعد انہیں خراج تحسین پیش کیا۔