شمالی کنڑ: کرناٹک میں بدھ کی صبح ایک بڑا سڑک حادثہ پیش آیا۔ پھلوں اور سبزیوں سے لدا ایک ٹرک بے قابو ہو کر گہری کھائی میں جا گرا۔ اس حادثے میں 11 افراد کی موت ہو گئی جب کہ 10 افراد زخمی بتائے جا رہے ہیں۔ زخمیوں کو علاج کے لیے مقامی اسپتال میں داخل کرایا گیا۔ تاحال حادثے کی وجوہات معلوم نہیں ہوسکیں۔ پولیس نے مقدمہ درج کر لیا ہے اور جانچ شروع کر دی ہے۔
ابتدائی طور پر حادثے میں نو افراد کے جاں بحق ہونے کی خبر سامنے آئی۔ مرنے والے سبھی لوگ ہاویری ضلع کے ساونورو قصبے کے رہنے والے تھے۔ ہلاک شدگان کی شناخت فیاض امام جامکھنڈی (45)، وسیم مدگیری (35)، اعجاز ملا (20)، صادق باشا فراش (30)، غلام حسین جوالی (40)، امتیاز ملاکیری (36)، جعفر مندکی (25)، جیلانی جکھاتی (25) اور اسلم بابلی بینی (24) کے طور پر ہوئی ہے۔ یہ سبھی افراد موقعے پر ہی دم توڑ گئے۔ ہبلی کے ایک اسپتال میں علاج کے دوران ایک اور شخص کی موت ہوگئی۔
#WATCH | Karnataka: 11 died and 10 injured in Karwar after a truck carrying them met with an accident in the early morning today; injured are undergoing treatment at a hospital
— ANI (@ANI) January 22, 2025
(Visuals from the hospital) pic.twitter.com/KR5giYRP6K
جانکاری کے مطابق تاجروں کے ساتھ پھلوں اور سبزیوں سے بھرا ٹرک اچانک بے قابو ہو کر گہری کھائی میں جا گرا۔ اس واقعے میں اب تک 11 افراد کی موت ہو چکی ہے۔ یہ واقعہ بدھ کی صبح اترا کنڑ ضلع کے یالا پورہ تعلقہ کے اربیل گھاٹ پر کاگیری پٹرول پمپ کے قریب پیش آیا۔
بتایا جا رہا ہے کہ 40 سے زیادہ کاروباری سبزیاں اور پھل ہاویری ضلع کے ساونورو سے شمالی کنڑ ضلع کے کمٹا بازار لے جا رہے تھے۔ یلا پورہ میں اربیل گھاٹ کے قریب ٹرک بے قابو ہو گیا اور گہری کھائی میں گر گیا۔ اطلاع ملنے پر پولیس نے موقعے پر پہنچ کر راحت اور بچاؤ کا کام شروع کیا۔
#WATCH | Karnataka | 10 died and 15 injured after a truck carrying them met with an accident early morning today. All of them were travelling to Kumta market from Savanur to sell vegetables: SP Narayana M, Karwar, Uttara Kannada
— ANI (@ANI) January 22, 2025
(Visuals from the spot) https://t.co/hJQ84aljHw pic.twitter.com/dVtNEKQna7
اس حادثے میں ٹرک میں سوار نو لوگوں کی موقعے پر ہی موت ہو گئی۔ پولیس کا کہنا ہے کہ حادثے میں کئی لوگ شدید زخمی ہوئے ہیں اور ہلاکتوں کی تعداد میں اضافے کا خدشہ ہے۔ زخمیوں میں سے 10 لوگوں کو یلاپورہ کے اسپتال میں داخل کرایا گیا ہے۔ لاشوں کو پوسٹ مارٹم کے لیے یلا پورہ اسپتال بھیج دیا گیا۔
یہ بھی پڑھیں: ناسک میں سڑک حادثہ، ٹیمپو اور ٹرک کے تصادم میں چھ افراد ہلاک، پانچ زخمی
