بی جے پی جھوٹا وعدہ کرکے ملک کو برباد کررہی ہے :پرینکا

محترمہ واڈر نے ٹویٹ کرکے کہاکہ بی جے پی حکومت منظم طریقہ سے ملک کے آئین کوتباہ کر رہی ہے، ملک کی عوام کوگمراہ کر کے بے وقوف بناتی ہے۔

کانگریس پارٹی کی جنرل سکریٹری پرینکا گاندھی واڈرا نے بھارتیہ جنتاپارٹی پر وعدہ پورا نہ کرنے کا الزام لگاتے ہوئے کہاکہ 'وہ عوام کو گمراہ کرکے مرحلہ وار طریقہ سے اداروں کو برباد کرنے میں مصروف ہے'

محترمہ واڈر نے ٹویٹ کرکے کہا کہ بی جے پی حکومت منظم طریقہ سے ملک کے آئین کوتباہ کر رہی ہے، ملک کی عوام کوگمراہ کر کے بے وقوف بنا رہی ہے۔

انھوں نے کہاکہ اس بار ملک کے نوجوان میدان میں ڈٹے ہوئے ہیں وہ اپنے حقوق کے معاملہ میں پیچھے نہیں ہٹنے والے ۔

انھوں نے کہا کہ پہلے وہ آپ سے دوکروڑ نوکریوں کا وعدہ کریں گے،پھر وہ حکومت بنائیں گے، پھر وہ آپکی یونیورسٹیوں کو برباد کریں گے، پھر وہ ملک کا آئین برباد کریں گے، پھر آپ پروٹیسٹ کریں گے،پھر وہ آپ کو'فول' بولیں گے ۔لیکن ینگستان میدان میں ڈٹارہے گا۔