'بی جے پی شکست کے خوف سے فرقہ واریت پیدا کرتی ہے''

بی جے پی رہنما پرویش رہنما کے شاہین باغ احتجاج پر دیے متنازعہ بیان پر کانگریس رہنما سندیپ دیکشٹ نے مذمت کی۔

سندیپ دیکشتنے کہا کہ جب بی جے پی کو شکست کا اندازہ ہوجاتا ہے تو وہ ماحول فرقہ وارانہ کردیتے ہیں اور اب یہی کیا جارہا ہے کیونکہ دہلی میں اسمبلی کے انتخابات ہونے والے ہیں۔

انھوں نے کہا کہ اگرچیکہ دہلی کی عوام سلجھی ہوئی ہے مگر پرویش ورما کے بیان سے ماحول خراب ہوسکتا ہے اس لیے پولیس کو چاہئے کہ وہ ان کے خلاف کاروائی کرے۔پرویش ورما نے شاہین باغ کے احتجاج پرنچلی سطح کا تبصرہ کرتے ہوئے کہا کہ یہ احتجاجی آپ ( دہلی کی عوام) کےگھروں میں گھس کر آپ کی بہن بیٹیوں کے ساتھ جنسی زیادتی کریں گے اور جان سے مار دیں گے۔بی جے پی رہنما کے اس متنازعہ بیان پر مختلف گوشوں سے تنقید کی جارہی ہے اور اسے انتخابات میں عوام کو منتشر کرنے اور فرقہ واریت کو فروغ دینے کا نازیبا عمل قرار دیا جارہا ہے۔