انھوں نے کہا ہے کہ ایودھیا میں رام للا کے مندر کا بھومی پوجن پروگرام قومی اتحاد اور بھائی چارے اور ثقافت کا انضمام کا پروگرام ثابت ہوگا۔
پرینکا گاندھی واڈرا نے منگل کو یہاں جاری بیان میں دعا کرتے ہوئے کہا’’آسانی ،ہمت ،قربانی،عزم ،ہمدردی رام نام کا خلاصہ ہےرام سب میں ہیں،رام سب کے ساتھ ہیں ۔ بھگوان رام اور ماں سیتا کے پیغام اور ان کی مہربانی کے ساتھ رام للا کے مندر کا بھومی پوجن کا پروگرام قومی اتحاد، بھائی چارے اور ثقافت کے انضمام کا موقع بنے۔جے سیارام۔‘‘
انہوں نے رام کے کردار کو اتحاد کا ذریعہ بتایا اور کہا کہ دنیا اور ہندوستانی ثقافت میں راماین کی گہری اور امت چھاپ ہے۔
رام ،ماتا سیتا اور راماین کی کہانی ہزاروں برسوں سے ہندوستانی ثقافت اور مذہبی یادگاروں میں کرن کی طرح روشن ہے۔
یہ بھی پڑھیے:ملک میں کورونا وائرس سے شفایابی کی شرح 65.77 فیصد
کانگریس جنرل سکریٹری نے کہا کہ’’ ہندوستانی میں راماین کے موضوعات سے مذہب ، پالیسی ، فرض ، قربانی ، عظمت ، محبت ، بہادری اور خدمت سے تحریک پاتے ہیں۔ شمال سے جنوب ، مشرق سے مغرب تک ، رام کتھا متعدد شکلوں میں خود ظاہر کرتی چلی آرہی ہے ۔ شری ہری کی ان گنت شکلوں کی طرح ہی رام کتھا ہری کتھا اننت ہے۔‘‘
