جموں و کشمیر کے رہنما و پہلگام میں منعقدہ 'گوجری کلچرل پروگرام' میں سینکڑوں کی تعداد میں گوجر طبقے کے مرد و خواتین کے ساتھ بچوں نے بھی شرکت کی۔
اس موقع پر جموں و کشمیر میں کانگریس پارٹی کے سینیئر رہنما قدفین چودھری نے میڈیا سے بات کرتے ہوئے کہا کہ ریاست کے گوجر طبقے کو سخت مشکلات کا سامنا ہے۔
انہوں نے کہا کہ گوجر طبقہ کے افراد جمہوری طور پر انتخابات کے ذریعہ اپنے نمائندے کا انتخاب کرتے ہیں اس کے باوجود انہیں کو بنیادی سہولیات سے محروم رکھا جاتا ہے۔
انہوں نے کہا کہ ایک طرف لوگوں کو سخت مشکلات کا سامنا ہے اور دوسری جانب حکومت لوگوں کو راحت پہنچانے کے بجائے ذہنی طور پر پریشان کرتی ہے۔
کانگریسی رہنما نے وادی میں اضافی حفاظتی دستہ تعینات کیے جانے سے متعلق کہا کہ اس سلسلے میں حکومت کی واضح پالیسی سامنے نہیں آسکی ہے۔ یہی وجہ ہے کہ عوام میں تذبذب کا ماحول ہے۔
