'مودی حکومت نے دفعہ 370 ہٹاکر نااہلی کا ثبوت دیا'

مجلس اتحاد المسلمین کے سربراہ اسدالدین اویسی نے حیدرآباد کے دارالسلام میں 'عید ملن تقریب' سے خطاب کرتے ہوئے مرکزی حکومت پر کڑی تنقید کی۔

انھوں نے کہا کہ جموں کشمیر کو دو حصوں میں تبدیل کرنا اور اسکے خصوصی موقف 370 کو ختم کرنا حکومت کی نا اہلی ہے۔ اور اسکے نتائج مستقبل میں سنگین ہوسکتے ہیں۔
انھوں نے کہا کہ حکومت عددی طاقت اور اکثریت کی بنیاد پر آر ایس ایس کے ایجنڈہ کو ملک میں لاگو کرنا چاہتی ہے۔
حکومت نے جموں کشمیر کو ایک قید خانہ میں تبدیل کردیا اور علاقہ میں کرفیو نافذ کر دیا۔
اسد اویسی نے کہا کہ حکومت نے دستور کی دھجیاں اڑادی ہیں۔

انھوں نے کہا کہ آزاد بھارت میں ملک کے بانیوں نے کافی سونچ سمجھ کر جموں کشمیر کو ملک کا اٹوٹ حصہ بنانے کےلیے دفعہ تین سو ستر لاگو کیا تھا جس میں سردار ولبھ بھائی پٹیل بھی شامل تھے ۔اسد اویسی نے کہا کہ بی جےپی کا یہ جواز بلکل غلط ہیکہ سردار ولبھ بائی پٹیل 370 کے خلاف تھے۔

اس ضمن میں انھوں نے مزید کہا کہ حکومت کا یہ اقدام دستوری معاہدہ کی خلاف ورزی ہے،اور وہ امید کرتے ہیں کہ اس معاملہ میں سپریم کورٹ صحیح فیصلہ دے گا۔