بھارت اور چین کی سرحد پر تناؤ برقرار ہے۔ کاربائن درآمد کی تجاویز کامیاب ہوتی دکھائی نہیں دے رہی ہے۔ اس کے پیش نظر، بھارتی فوج فوری ضروریات کو پورا کرنے کے لیے 'میڈ اِن انڈیا' کاربائن خریدنے پر غور کررہی ہے۔
آپ کو بتا دیں کہ مسلح افواج کو تقریبا ساڑھے تین لاکھ کاربائن کی ضرورت ہے لیکن فوج فی الوقت ایمرجنسی کی حالت میں 94000 کاربائن خریدنا چاہتی ہے۔
کاربائن ایک پیدل فوج کا ہتھیار ہے، جو قریب کی لڑائی میں استعمال ہوتا ہے۔ بھارتی فوج کئی سالوں سے اس ہتھیار کو خریدنے پر غور کر رہی ہے۔
ان ہتھیاروں کو ملک میں خریدنے کا خیال اس وقت محسوس ہوا جب یہ بات سامنے آئی کہ سکیورٹی فورسز بیرون ملک میں تیار کردہ اس قسم کا ہتھیار استعمال نہیں کرے گی کیونکہ صرف چند ممالک ہی اسے برآمد کرتے ہیں اور وہ بھی بہت محدود مقدار میں۔
بیرون ملک سے ان کاربائنز کے حصول کا معاملہ دو سالوں سے زیرالتوا ہے کیونکہ معاملہ دفاعی حصول کونسل کے فیصلے کے لیے پہلی این ڈی اے حکومت کے تحت ایک اعلی سطحی کمیٹی کو بھیجا گیا تھا۔
ذرائع کا کہنا ہے کہ مغربی بنگال کے ایشاپور میں آرڈیننس فیکٹری بورڈ کے تیار کردہ کاربائن کی تجویز بھارتی فوج کو ارسال کردی گئی ہے، جس کے بعد بھارتی فوج اس ہتھیار کو خریدنے پر غور کررہی ہے۔ اس ہتھیار کا تجربہ تینوں فوج کے کچھ افسروں کے ذریعہ کیا گیا ہے۔
سنہ 2008 کے بعد سے سی کیو بی کاربائن خریدنے کی کوششیں کامیاب نہیں ہو سکی ہیں۔ اس ہتھیار کی ابتدائی کھیپ چین کے محاذ پر تعینات فوجیوں کو دی جائے گی۔
