جی ٹی بی ہسپتال میں عاقب نامی 18 برس کے لڑکے کی علاج کے دوران موت ہو گئی ہے۔ مرحوم کے اہل خانہ نے بتایا کہ 24 فروری کی شام بھجن پورا میں ہوئے تشدد میں عاقب کے سر میں جوٹ لگی تھی، اس کے بعد اسے جی ٹی بی ہسپتال میں بھرتی کرایا گیا تھا۔
ڈاکٹرز نے اس کی جانچ کے بعد بتایا کہ عاقب کے سر میں خون جم گیا ہے اس لیے آپریشن ہونا ہے۔ ڈاکٹرز کی ٹیم مسلسل اس کا علاج کر رہی تھی۔
پیر کی رات عاقب کی علاج کے دوران موت ہوئی ہے۔ عاقب کی موت کی خبر ملنے پر اس کے اہل خانہ غمگین ہیں۔ لاش کو پوسٹ مارٹم کے لیے بھیج دیا گیا ہے۔
خیال رہے کہ حال میں شمال مشرقی دہلی میں شہریت ترمیمی قانون کے حمایتیوں اور مخالفین کے درمیان ہوئے تشدد میں 48 لوگوں کے ہلاک ہونے کی خبر ہے۔ ہلاک ہونے والوں میں پولیس اہلکار بھی شامل ہیں۔ اس کے علاوہ کئی لوگوں کے گھر اور دوکانیں نظر آتش کر دی گئی ہیں۔
