آر ایس ایس کے بعد اب 'انتر راشٹریہ بھگوا سینا'

انتر راشٹریہ بھگوا سینا 'جو کہ خود کو ' آر ایس ایس 'کی طرح غیر سیاسی تنظیم بتا رہی ہے۔ اپنے مشن کو آگے بڑھاتے ہوئے لوگوں کو حب الوطنی اور دیش بھکتی کا سبق پڑھانا بھی شروع کر دیا ہے۔

ہندوستانی معاشرے میں ایک اور سینا نے دیش بھکتی کا نعرہ دے کر پیر پھیلانے شروع کر دیے ہیں۔

واضح رہے کہ' انتر راشٹریہ بھگوا سینا 'جو کہ خود کو ' آر ایس ایس 'کی طرح غیر سیاسی تنظیم بتا رہی ہے۔

اس نے اپنے مشن کو آگے بڑھاتے ہوئے لوگوں کو حب الوطنی اور دیش بھکتی کا سبق پڑھانا بھی شروع کر دیا ہے۔

نوئیڈا میڈیا کلب میں ایک پریس کانفرنس کے دوران تنظیم کے صدر دھیریندر کوشک کی صدارت میں حکومت کے ذریعے عوامی فلاحی کاموں کو گھرگھر تک پہنچانے کا بھی عزم کیا گیا۔

تنظیم کے قومی سیکریٹری منوج ناگر نے کہا کہ' 370 ہٹانےکا دلیرانہ فیصلہ لینے کے بعد حکومت کو آبادی پر سختی سے کنٹرول کرنا چاہیئے۔'

جبکہ تنظیم کے سیکرٹری دھرمیندر نندا نے کہاں کہ 'تنظیم کا اصل مقصد آئندہ چھ مہینے میں دس لاکھ سر گرم ممبر بنانے کا ہے تاکہ دیش بھکتی کے کام میں یہ کارکنان اپنا کلیدی رول ادا کر سکیں،اور آنے والے دنوں میں تنظیم کی بڑی ذمہ داریاں ہو ں گی'۔

اس دوران تنظیم کو مستحکم اور پائیدار بنانے کے لیے اہم عہدوں پر تقرری کی گئی ہیں۔