ذرائع سے موصول اطلاعات کے مطابق امیت شاہ کو چاردن بعد آج ایمس سے ڈسچارج کردیا گیا ہے، ایمس نے 13 ستمبر کو بتایا تھا کہ امیت شاہ کو پارلیمنٹ سیشن کے شروع ہونے سے قبل 14 ستمبر کو میڈیکل چیک اپ کے لئے ایمس میں داخل کرایا گیا تھا۔ ایمس کا کہنا تھا کہ انہیں ایک یا دو دن میں چھٹی دے دی جائے گی لیکن انہیں چار دن بعد چھٹی ملی۔
آپ کو بتا دیں کہ' امیت شاہ کو گذشتہ دو اگست کو کورونا انفیکشن ہونے پر گروگرام کے میدانتا ہسپتال میں داخل کرایا گیا تھا۔ کورونا کو شکست دیکر وہ 14 اگست کو گھر واپس آگئے تھے۔ وائرس کے انفیکشن سے آزاد ہونے کے بعد پیش آئی پریشانیوں کے باعث امیت شاہ کو دوبارہ 18 اگست کو ایمس میں داخل کرایا گیا تھا اور انہیں 30 اگست کو چھٹی ملی تھی۔
مزید پڑھیں:
بھارت میں کورونا متاثرین کی تعداد 51 لاکھ سے تجاوز
ایمس کا کہنا تھا کہ ہسپتال سے چھٹی دیئے جانے کےو قت ہی انہیں میڈیکل جانچ کرانے کا مشورہ دیا گیا تھا، جس کے پیش نظر وہ دوبارہ 13 ستمبر کو ایمس میں داخل ہوئے تھے۔'
