جموں و کشمیر کی گورنر انتظامیہ نے تمام امرناتھ یاتروں اور سیاحوں کو فوری طور پر وادی کشمیر چھوڑنے کی صلاح دی ہے۔
اس ایڈوائزری میں کہا گیا ہے کہ ریاست جموں و کشمیر میں بڑے شدت پسندانہ حملے کی اطلاع ہے، اس لیے تمام یاتری اور سیاح اپنا سفر مکمل کرکے جلد واپس ہو جائیں۔
ایڈوائزری کے ساتھ ہی آج امرناتھ یاترا روک دی گئی ہے۔
اس سے تھوڑی قبل ہی جموں و کشمیر پولیس اور فوج نے مشترکہ طور پر پریس کانفرنس کرکے کہا تھا کہ پاکستان مسلسل وادیٔ کشمیر میں بدنظمی پھیلانے کی کوشش کر رہا ہے۔
پریس کانفرنس میں کہا گیا تھا کہ سرحد پار سے عسکریت پسندوں کو بھیجنے کی کوشش کی جا رہی ہے۔
پریس کانفرنس کے دوران لیفٹیننٹ جنرل کے ایس ڈھلون نے کہا تھا کہ خفیہ ایجنسیوں کی جانب سے امرناتھ یاتریوں پر شدت پسندانہ حملے کا اندیشہ ظاہر کیا گیا ہے۔
