ریاست گجرات کے شہر احمدآباد کے لیاقت علی انصاری کو گجرات اسٹیٹ مومن کانفرنس کا نیا صدر منتخب کیا گیا ہے۔
واضح رہے کہ ان سے پہلے پروفیسر نثار احمد اںصاری کے ہاتھوں گجرات یونٹ کی ذمہ داری تھی۔
آل انڈیا مومن کانفرنس خاص طور سے ملک گیر سطح پر انصاری طبقے کے لوگوں کے فلاح و بہبود اور ان کی مسائل کو حل کرنے کے لیے کام کرتی ہے۔
نو منتخب صدر لیاقت علی انصاری گجرات کی ذمہ داری کو قبول کرتے ہوئے خوشی کا اظہار کیا، اورآل انڈیا مومن کانفرنس کے صدر فیروز انصاری صاحب کا شکریہ ادا کیا، تاہم انہوں نے کہا کہ فی الحال انصاری جماعت پورے ملک میں تعلیم، کاروبار، اور دیگر شعبوں میں تیزی سے کام کررہی ہے۔
انہوں نے کہا کہ 'گجرات میں موجود انصاری برادری کے بچوں کو اعلیٰ مقام اور اعلی تعلیم کے لیے کسی بھی تعاون ضرورت ہوگی، اسے ہم پورا کرنے کی کوشش کریں گے'۔
انہوں نے مزید کہا 'ہم انصاری برادری کے لوگوں کو ترقی تک پہچانے کے لیے کام کرتے رہیں گے، اور انصاری برادری کے مسائل کو دور کرنے کی ہر ممکن کوشش کریں گے اور مرکزی حکومت سے بھی اپنے حق کے لیے مطالبات کریں گے۔
