اس بات کی اطلاع ایک سینیئر افسر نے دی ہے۔
اس سے قبل اگست 2017 میں ایئر انڈیا کے چیئرمین اور مینیجنگ ڈائریکٹر اشونی لوہانی نے ایک اندرونی سرکولر جاری کیا تھا، جس میں کہا گیا تھا کہ گراؤنڈ اسٹاف اور افسر طیارے کے پہنچنے پر اکثر بچا ہوا کھانا اور راشن اپنے خود کے استعمال کے لیے لے جاتے ہیں۔اس میں کہا گیا تھا کہ چوری میں ملوث افسروں کو معطل کیا جائے۔
ایک سینیئر افسر نے شناخت ظاہر نہیں کرنے کی شرط پر بتایا کہ اگست 2017 میں جاری سرکولر کے بعد سے ایئر انڈیا نے فوڈ سپلائی محکمہ کے دو ملازمین اور کیبن کرو کے دو اراکین کے خلاف کارروائی کی ہے۔
کیٹرنگ ڈپارٹمنٹ کے اسسٹنٹ مینیجر اور ایک سینیئر اسسٹنٹ کو ملزم پائے جانے پر بالترتیب 63 اور 3 دنوں کے لیے معطل کیا گیا ہے۔
