مجلس اتحاد المسلمین کے صدر اور رکن پارلیمان اسدالدین اویسی آج وارانسی پہنچے، اس دوران انہوں نے اکھلیش یادو کی شدید نکتہ چینی کرتے ہوئے کہا کہ سماج وادی پارٹی کے دور اقتدار میں ہم نے یہاں کئی مرتبہ آنے کی کوشش کی لیکن ہمیں اجازت نہیں دی گئی۔
بہار اسمبلی انتخابات میں پانچ نشستیں حاصل کرنے کے بعد اسد الدین اویسی کی نظر اب اتر پردیش پر ہے، اویسی آج وزیر اعظم نریندر مودی کے پارلیمانی حلقہ وارانسی پہنچے اور یہاں سے اعظم گڑھ کے لیے روانہ ہوگئے ہیں۔
خاص بات یہ ہے کہ یوگی حکومت میں حلیف رہ چکے سہیلدیو بھارتیہ سماج پارٹی کے سربراہ اوم پرکاش راج بھر کی دعوت پر اویسی نے پروانچل کا دورہ کیا ہے۔
بنارس پہنچنے کے بعد انہوں نے بابت پور ایئرپورٹ پر اکھلیش یادو کی شدید نکتہ چینی کرتے ہوئے کہا کہ اکھلیش کی حکومت میں مجھے پوروانچل آنے کی اجازت بھی نہیں تھی لیکن اب میں آیا ہوں۔
اسد الدین اویسی بنارس کے لال بہادر شاستری بین الاقوامی ہوائی اڈے پر اترنے کے بعد میڈیا بات چیت کرتے ہوئے انہوں نے کہا کہ ہم راج بہر کے ساتھ آگے بڑھیں گےانہوں نے کہا کہ یہاں آنا بہت ضروری تھا اور ہم مضبوطی سے انتخابات میں حصہ لیں گے۔
