رپورٹز کے مطابق سپر اسٹار رجنی کانت نے مکل نیدھی مایم (سیاسی پارٹی) کے بانی کمل ہاسن کو اپنی بیٹی سوندریہ رجنی کانت کی شادی میں مدعو کیا۔
سوندریہ رجنی کانت ممتاز کاروباری اور اداکار وشاگن ونانگامدی کے ساتھ 11 فروری کو رشتہ ازدواج سے منسلک ہوں گی۔
رجنی کانت نے دسمبر 2017 میں سیاست میں انٹری کی ہے اور فی الوقت یہ طے نہیں ہے کہ وہ اور ان کی پارٹی عام انتخاب میں الیکشن لڑیں گے یا نہیں۔
اسی درمیان ہاسن نے جمعرات کے روز کہا کہ ان کی پارٹی آنے والے عام انتخاب میں تمل ناڈو اور پڈوچیری کی 40 لوک سبھا سیٹ کے لیے تیاری کر رہی ہے۔
حالانکہ انہوں نے یہ نہیں بتایا کہ وہ الیکشن کہاں سے لڑیں گے۔ انہوں نے اس بات کی طرف اشارہ کیا کہ ہم کسی داغدار سے اتحاد نہیں کریں گے۔
ہاسن نے کہا، ' ہمارا مقصد کسی داغدار اور بدعنوان کے ساتھ نہیں جانا ہے۔ ہم تمل ناڈو اور پڈو چیری کی 40 سیٹوں کے لیے تیاری کر رہے ہیں۔ میں ابھی نہیں کہ سکتا کہ کہ میں کہاں سے لڑوں گا۔'
غورطلب ہے کہ کمل ہاسن نے حال ہی میں کہا تھا کہ ان کی پارٹی عام انتخاب میں اپنی ہم خیال پارٹیوں کے ساتھ اتحاد کرکے الیکشن لڑے گی۔
