بھارتیہ فضائیہ آج اپنا 88 واں یوم تاسیس منارہا ہے، اس موقع پر ایئر فورس غازی آباد کے ہنڈن ایئر بیس پر ایئرفورس اپنی طاقت کا مظاہرہ اور رافیل کی نمائش کی جائے گی۔
واضح رہے کہ اس بار رافیل کو بھی ایر فورس کے بیڑے میں شامل کیا گیا ہے تاہم رافیل کے علاوہ اس فضائیہ کے کئی دوسرے لڑاکا طیارے اپنی طاقت کا مظاہرہ کریں گے۔
وزیراعظم نریندر مودی نے جمعرات کو ایئرفورس ڈے کے موقع پر بھارتیہ فضائیہ کے سبھی بہادر جنگجوؤں کو مبارکباد دیتے ہوئے کہا کہ یہ نہ صرف ملک کی فضائی حدود کو محفوظ رکھتے ہیں بلکہ آفات کے وقت انسانیت کی خدمت میں بھی صف اول کا کردار ادا کرتے ہیں۔
مسٹر مودی نے اپنے مبارکباد کے پیغام میں کہا 'ایئر فورس ڈے پر بھارتیہ فضائہ کے سبھی بہادر جنگجوؤں کو بہت بہت مبارکباد'۔
انہوں نے کہا کہ آپ نہ صرف ملک کی فضائی حدود کو محفوظ رکھتے ہیں بلکہ آفات کے وقت انسانیت کی خدمت میں بھی اعلی کردار ادا کرتے ہیں۔
انہوں نے مزید کہا کہ مادر وطن کی حفاظت کے لیے آپ کی ہمت، شجاعت اور خود کو وقف کرنا ہر کسی کو تحریک دیتے ہیں'۔
صدر جمہوریہ ہند رام ناتھ کووڈ نے بھارتیہ فضائیہ کے 'ایئرفورس ڈے' کے موقع پر ملک کے جانباز جوانوں کو مبارکباد دی ہے۔
مسٹر کووند نے جمعرات کو ٹوئٹ کرکے کہا کہ 'ایئر فورس ڈے پر ہم فخر سے اپنے فضائیہ کے جنگجوؤں، سبکدوش فوجیوں اور ان کے اہل خانہ کو سلام کرتے ہیں'۔
انہوں نے کہا کہ قوم، فضائی حدود کو محفوظ بنانے، انسایت اور آفات میں شہریوں اور انتظامیہ کی مدد کرنے میں بھارتیہ فضائیہ کے تعاون کے لیے ہمیشہ مشکور رہے گی'۔
انہوں نے ایک دیگر ٹوئٹ میں کہا کہ 'رافیل اپاچے اور چینک بھارتیہ فضائیہ کو مزید طاقتور تکنیکی قوت میں تبدیل کریں گے۔ امید ہے کہ آنے والے برسوں میں بھارتیہ فضائیہ عزم اور اہلیت کے اپنے اعلی معیارات کو برقرار رکھے گی۔
