حزب اختلاف نے حکومت کے اس بجٹ کو حکومت کا جھوٹ قرار دیا ہے۔ کانگریس نے کہا کہ انہوں نے گزشتہ مالی سال کے بجٹ کا 30 فیصد بھی خرچ نہیں کیا۔ 532 کروڑ اقلیتوں کی فلاح کیلئے ناکافی ہے۔
محکمہ اقلیتی فلاح کے ذریعہ پیش کئے گئے 532 کروڑ کے بجٹ کو حزب اختلاف نے انتخابی جھوٹ قرار دیتے ہوئے اسے ناکافی قرار دیا ہے۔ کانگریس کے پریم چند مشر نے کہا کہ حکومت نے بجٹ کا 25 فیصد سے زیادہ اب تک خرچ نہیں کیا ہے۔ یہ لوگ مارچ کی لوٹ میں لگے ہیں۔
محکمہ اقلیتی فلاح کے وزیر خورشید عالم عرف فیروز احمد نے ای ٹی وی بھارت سے خصوصی ملاقات میں کہا کہ جو لوگ خرچ نہ ہونے کی بات کر رہے ہیں وہ جھوٹ بول رہے ہیں 31 مارچ کے بعد ہم سے اعدادوشمار لے۔
انہوں نے کہا کہ اگر خرچ نہیں ہوا ہوتا تو بجٹ آج 532 کروڑ کا نہیں ہوتا۔ انہوں نے کہا کہ مالی سال 2005 میں بجٹ تین کروڑ کا تھا اور آج 532 کروڑ کا ہے۔ انہوں نے وزیر اعلی نتیش کمار کی تعریف کرتے ہوئے کہا کہ ان کی قیادت میں بہار میں اقلیتوں کے لیے بہتر سے بہتر کام ہو رہے ہیں
دارالحکومت پٹنہ میں وقف املاک پرغاصبانہ قبضے کے سوال پر انہوں نے کہا کہ جتنے بھی املاک پر قبضہ ہے انہیں خالی کرایا جارہا ہے۔وزیر خورشید عالم نے دعوی کیا کہ وقف املاک کو غاصبانہ قبضے سے خالی کرا کر اس پر کثیرالمقاصد بلڈنگ تعمیر کیے جا رہے ہیں۔
انہوں نے کہا کہ جن مدارس کی اپنی عمارت نہیں ہے ان میں چار کمروں کی عمارت تعمیر کرائی جارہی ہے۔ریاست میں اقلیتی طبقات کے بچوں کے لئے مفت کوچنگ کا نظم کیا جارہا ہے۔
