وجئے واڑہ کے گناورم پولیس اسٹیشن سے ایک شخص رجوع ہوا جس نے اس سلسلہ میں کی گئی شکایت میں کہا کہ وہ خنزیروں کو اپنے فارم میں پال رہا تھا تاہم گزشتہ چند ماہ سے اس کے 50 خنزیر لاپتہ ہوگئے۔
گناورم پولیس کو راجیش نامی شخص سے یہ شکایت ملی جس میں اس نے شبہ ظاہر کیا کہ اس سے بدلہ لینے کے لیے اس کی ذات کے افراد کا ہاتھ ہے۔
اس شکایت کی بنیاد پر پولیس نے چوری کا معاملہ درج کرلیا۔ پولیس کو پتہ چلا کہ بعض مقامی افراد نزواڑ علاقہ میں خنزیر کا گوشت فروخت کررہے ہیں۔ پولیس نے دو افراد کو حراست میں لے لیا۔ پولیس نے شبہ ظاہر کیا کہ اس چوری کے پیچھے ان کا ہاتھ ہوسکتا ہے۔
