لاپتہ بھارتی شہری چین میں داخل؟

ریاست ارونا چل پردیش کے علاقے اپر سبنسری سے پانچ بھارتی لاپتہ ہوگئے تھے، ان کا پتہ چل گیا ہے، یہ تمام لوگ شکاری تھے۔

لائن آف ایکچوئل کنٹرول کے پاس سے غائب پانچ لاپتہ بھارتی شہریوں کا پتہ چل گیا ہے ۔

بھارتی فوج کی جانب سے انہں ٹریس کیا جا رہاہے، بالآخر ان کا پتہ چل گیا ہے۔

یہ تمام لاپتہ بھارتی شہری 2 ستمبر 2020 کو نادانستہ طور پر سرحد کے پار چین میں داخل ہوگئے تھے ، ان کا پتہ چل گیا ہے۔

لیفٹیننٹ کرنل ہرش وردھن پانڈے ، پی آر او ڈیفنس ، تیج پور نے کہا کہ چینی فوج نے تصدیق کی ہے کہ لاپتہ بھارتی شہری ان کے ملک میں ملے ہیں ۔

پانڈے نے کہا کہ چینی فوج نے 8 ستمبر2020 کو ہاٹ لائن پر ردعمل ظاہر کیا اور اس بات کی تصدیق کی کہ لاپتہ بھارتی شہری چینی حدود میںملے ہیں۔

ان شہریوںکی جلد بھارت واپسی کے لیے چین کے فوجی عہدیداران سے گفت وشنید کی جا رہی ہے۔

گذشتہ 5 ستمبر 2020 کو کانگریس پارٹی کے رکن اسمبلی نینونگ ایرنگ نے دعویٰ کیا تھا کہ چین کی پیپلز لبریشن آرمی (پی ایل اے) نے اروناچل پردیش کے اپر سبنسری کے ناچو علاقے سے پانچ لڑکوں کو اغوا کیا ہے۔

انہوں نے وزیر دفاع راج ناتھ سنگھ سے اپیل کی کہ وہ ان کی 'محفوظ واپسی' کو یقینی بنائیں۔