یہ حادثہ شمالی پینسلوینیا کے جھیل شہر ایری میں اتوار کی صبح پیش آیا۔ ایری کے فائربریگیڈ محکمے کے سربراہ گائی سینٹون نے بتایا کہ آگ ایری میں واقع سہ منزلہ عمارت میں لگی تھی۔
انہوں نے بتایا کہ ہلاک شدہ بچوں کی عمر آٹھ مہینے سے لے کر سات برس تک تھی۔ اس حادثے میں ڈے کیئر سینٹر کے مالک بھی زخمی ہوئے جن کو علاج کے لیے ایک قریبی ہسپتال میں داخل کرایا گیا ہے۔
مقامی میڈیا کے مطابق 'ڈے کیئر سینٹر' کو مقامی انتظامیہ کے ذریعے مارچ 2020 تک کے لیے سرٹیفائی کیا گیا ہے۔
ایری پینسلوینیا صوبے کا چوتھا بڑا شہر ہے۔
