ایک خبر کے مطابق، آسام کی بارک وادی کے تین اضلاع میں منگل کے روز شدید بارشوں اور مٹی کے تودے گرنے سے کم از کم 20 افراد ہلاک ہوگئے۔
آسام میں شدید بارش ، 20 افراد ہلاک
مسلسل بارش کے بعد ریاست سیلاب کی زد میں ہے۔ اس سیلاب کی وجہ سے اب تک نو افراد کی ہلاکت کی اطلاع ہے جبکہ سات اضلاع میں لاکھوں افراد متاثر ہوئے ہیں۔
سیلاب سے اب تک 2،678 ہیکٹر میں پھیلی فصلوں کو نقصان پہنچا ہے اور 44،331 گھریلو مویشی اور 9،350 پولٹری فارمز متاثر ہوئے ہیں۔ ہلاکت خیز سمندری طوفان امفان کے کمزور ہونے کے بعد آسام اور میگھالیہ کے متعدد علاقوں میں 20 مئی سے انتہائی موسلادھار بارش ہو رہی ہے جس سے عام زندگی مفلوج ہوکر رہ گئی ہے۔
