آسام میں ان دنوں شہریوں کے رجسٹریشن کا عمل مسلسل جاری ہے۔ اس دوارن یہاں ایک خاتون نے محکمہ انسداد رشوت ستانی میں شکایت درج کی کہ قومی رجسٹرار برائے شہریت ( ترمیمی قانون ) کے سلسلے میں تعینات کیے گئے دو افسران نے ان سے مجبوا پیسے وصول کیے۔ جس کی بنا پر انھیں گرفتار کیا گیا۔
ان دو افسران کی شناخت جائے واقع پر متعین کیے گئے افسر سید شاہجہان اور لوکل رجسٹرار راہول پراشار کے طور پر کی گئی ہے۔ بعد میں دونوں کو گوہاٹی کے گنیش گوری این سی آر سنٹر میں منتقل کیا گیا۔
آسام کے سرکاری عہدے دار کے مطابق کاجاری گوش دتہ نامی ایک خاتون نے شکایت درج کی کہ سرکاری کاغذات اور اس کے نام کی تصحیح کا بہانہ بنا کر اس سے دس ہزار روپیے وصول کیے گئیے۔
ریاست میں موجود قومی رجسٹرار برائے شہریت ( ترمیمی قانون ) کے معاون عہدہ دار نے اپنے ایک بیان میں کہا کہ ' این آر سی کو پائیدار بنیاد پر اپڈیٹ کرنے کی سخت ضرورت ہے۔ اس سلسلے شفافیت اور غیر جانب داری کے لیے خاطی افسران پر کارروائی کرنا کیوں نہ پڑے'
واضح رہے کہ 30 جون 2018 کو قومی رجسٹرار برائے شہریت ( ترمیمی قانون ) این آر سی کا مسودہ شائع کیا گیا تھا۔ جس کے مطابق 3.20 کروڑ میں سے 40.07 لاکھ اپیل کنندگان کا نام اس لسٹ سے خارج ہے۔
