ریاست اتر پر دیش کے دارالحکومت بھوپال کے ٹی ٹی نگر اسٹیڈیم میں قائم اسپورٹس اکیڈمی میں ایک 19 برس کی خاتون کھلاڑی نے بچی کو جنم دیا۔
اطلاعات کے مطابق 19 برس کھلاڑی کو اچانک پیٹ میں درد ہوا ،فوراً اسے ہسپتال میں داخل کرایا گیا، ہسپتال میں لڑکی کی سونو گرافی کی گئی جس میں لڑکی کے حاملہ ہونے کا انکشاف ہوا۔
معاملے کے سامنے آنے کے بعد محکمہ کے پرنسپل سکریٹری انیرودھ مکھرجی نے اکیڈمی کے افسران کو پھٹکار لگائی اور اسٹاف سے معاملے کی تحقیقات کا حکم دیا ہے۔
بتایا جا رہا ہے کہ جس کھلاڑی نے بچے کو جنم دیا ہے وہ ضلع کٹنی کی رہنے والی ہے، لڑکی کی والدین ایک حادثے میں ہلاک ہو گئے ہیں۔
اس معاملے میں محکمہ کھیل ڈائریکٹر ایس ایل تھاؤسین کا بیان بھی سامنے آیا ہے، انہوں نے اپنے بیان میں کہا ہے کہ لڑکی نے پولیس کو بیان دیا ہے کہ اس کا کسی بھی لڑکے سے کوئی تعلق نہیں ہے، تھاؤسن نے لڑکی کی عمر کی تصدیق کرتے ہوئے کہا کہ وہ بالغ ہو چکی تھی۔
اب اسپتال سے ڈسچارج ہونے کے بعد متاثرہ کی کاوسلنگ کرائی جائے گی، قابل ذکر ہے کہ لڑکی اس اکیڈمی میں 2017 سے رہ رہی ہے۔ فی الحال اس معاملے میں پولیس نے کیس درج کر لیا ہے اور معاملے کی تحقیقات شروع کر دی ہے۔
