سدرشن پٹنائک نے ریت کا مجسمہ بنا کر ماؤں کو خراج تحسین پیش کیا

آج دنیا بھر میں یوم مادر منایا جاتا ہے۔ یہ دن ماؤں کا ہوتا ہے۔ آج پوری دنیا مدرس ڈے کے طور ماؤں کو سلام اور مبارک باد پیش کررہی ہے۔ ایسے میں مشہور و مقبول آرٹسٹ سدرشن پٹنائک نے بھی یوم مادر کے موقع پر ریت کا ایک خوبصورت مجسمہ بنا کر ماؤں کو خراج تحسین پیش کیا ہے۔

مشہور مجمسہ ساز سدرشن پٹنائک نے ریت پر انتہائی منفرد اور تخلیقی انداز میں آرٹ بناتے ہوئے یوم مادر کی مبارک باد پیش کی۔

سدرشن پٹنائک نے سبھی ماؤں کے لیے نیک تمناؤں کے ساتھ ریت کا ایک خوبصورت مجسمہ تیار کیا اور کورونا وائرس سے بچنے کے لیے اپنا خیال رکھنے کا بھی خاموش انداز میں پیغام دیا ہے۔

واضح رہے کہ سدرشن پٹنائک اوڈیشہ کے شہرت یافتہ مجسمہ ساز ہیں جو ریت پر اپنے فن کا مظاہرہ کرتے ہیں۔ انہیں بھارتی حکومت نے 2014 میں پدما شری سے نوازا تھا۔