ریزرو بینک آف انڈیا نے جمعرات کو تمام بینکوں کے چیئرمین، منیجنگ ڈائرکٹرز اور چیف ایگزیکٹیو آفیسرز کو نوٹیفکیشن جاری کرتے ہوئے کہا کہ ایک ماہ میں 10 گھنٹے سے زیادہ دیر تک اے ٹی ایم میں نقدی نہ ہونے کی پاداش میں اکتوبر ماہ سے سبھی بینکوں سے 10 ہزار روپے فی اے ٹی ایم جرمانہ عائد کیا جائے گا۔
مرکزی بینک نے کہا کہ یہ التزام اے ٹی ایم میں نقد رقم کی مناسب دستیابی کو برقرار رکھنے کے مقصد سے کیا گیا ہے۔
مزید پڑھیں: مالی برس 2020-21 میں نئے کاروبار کے رجسٹریشن میں 11.6 فیصد کا اضافہ
نوٹیفکیشن میں کہا گیا ہے کہ یہ التزام یکم اکتوبر 2021 سے نافذ العمل ہوگا اور وہ بینک جو وائٹ لیبل اے ٹی ایم میں نقد رقم سنبھالنے میں ناکام رہتے ہیں ان پر 10 ہزار روپے فی اے ٹی ایم جرمانہ عائد کیا جائے گا۔
ریزرو بینک آف انڈیا نے مزید کہا ہے کہ جو بھی اے ٹی ایم مہینے میں 10 گھنٹے سے زیادہ دیر تک کیش لیس (Cash Less) رہتا ہے اس صورت میں بینک پر جرمانہ عائد جائے گا
