بنگلورتشدد: '53 مزید قیدی جیل سے رہا'

گذشتہ سال اگست میں توہین رسالت معاملے کے پیش نظر ہوئے احتجاج کے دوران پیش آئے تشدد معاملے میں تقریباً 450 افراد کو ہراست میں لیا گیا تھا، جن میں این آئی اے نے 49 پر یو اے پی اے اور دیگر پر آئی پی سی سیکشنز کے تحت چارجز فریم کئے ہیں۔

اُس تعلق سے کئی سماجی تنظیموں نے اس تشدد کو ایک سازش بتایا اور بے قصور مسلمانوں پر زیادتی کے الزامات عائد کئے تھے۔ معاملے کے فوری بعد شہر کے معروف وکلا نے گرفتار شدہ افراد کی رہائی کے ضمن میں سیکولر ایڈووکیٹ فرنٹ کا قیام کیا اور شروعات ہی میں ایک پی آئی ایل اور ضمانت کے ایپلیکیشنز دائر کئے تھے۔

اس سلسلے میں سیکولر ایڈووکیٹ فرنٹ کی کوششوں کے نتیجے میں بنگلور اور بلاری کے جیلوں سے مزید 53 ملزمین کی رہائی عمل میں آئی یے۔سیکولر ایڈووکیٹز فرنٹ کی جانب سے ملزمین کے اہل خانہ کو یہ پیغام دیا گیا کہ ضمانتیں و رہائی کے لئے شیوریٹیز اور رہائی کے بعد مختلف اخراجات کو ان کی تنظیم کی جانب سے اٹھایا جائے گا۔