پولیس ذرائع کے مطابق گنڈ جہانگیر سوناواری کے حاجن علاقے کے گنڈ جہانگیر نامی گاؤں میں پیر کی صبح سکیورٹی فورسز اور عسکریت پسندوں کے مابین ایک تصادم شروع ہے، جس میں ایک عسکریت پسند ہلاک ہوگیا ہے۔
مہلوک عسکریت پسند کی شناخت امتیاز احمد ڈار کے طور پر ہوئی ہے اور پولیس نے اس بات کا بھی دعویٰ کیا ہے کہ مذکورہ عسکریت پسند حال ہی میں شاہ گنڈ میں مارے گئے سومو ڈرائیور کے قتل میں ملوث تھا۔
تفصیلات کے مطابق سکیورٹی فورسز کو مذکورہ علاقے میں عسکریت پسندوں کے چھپے ہونے کی مخفی اطلاعات ملی تھی، جس کے بعد انہوں نے علاقے کا محاصرہ کیا اور تلاشی کارروائی شروع کردی۔ اس دوران عسکریت پسندوں اور سیکیورٹی فورسز کے مابین تصادم شروع ہوا جو ابھی بھی جاری ہے۔
- یہ بھی پڑھیں:کپواڑہ میں مشتبہ چیز ملنے سے علاقے میں افراتفری
قبل ازیں مرکزی زیر انتظام علاقہ جموں و کشمیر کے جنوبی علاقہ میں گزشتہ رات ضلع اننت ناگ کے کھاگنڈ ویری ناگ علاقے میں پیر کی علی الصبح عسکریت پسندوں اور سیکورٹی فورسز کے درمیان تصادم میں ایک نامعلوم عسکریت پسند ہلاک اور ایک پولیس اہلکار زخمی ہوا۔
پولیس ذرائع نے بتایا کہ ایک عسکریت پسند ہلاک ہوا ہے۔ جب کہ ایک پولیس اہلکار زخمی ہوا ہے۔ علاقے میں آپریشن جاری ہے۔
مزید تفصیلات کا انتظار ہے۔
