سورت شہر کے رنگ روڈ پر واقع ریسٹورنٹ ٹیسٹ آف انڈیا کی جانب سے پاکستانی فوڈ فیسٹیول کے بینر Pakistani Food Fest Banner لگائے گئے تھے۔ جس کے بعد ریسٹورنٹ کے خلاف احتجاج شروع ہوگیا۔ جب بجرنگ دل کو اس کی اطلاع ملی تو کچھ کارکنان وہاں پہنچ گئے اور بینر اتار کر آگ لگا دی۔ اس کے ساتھ ریسٹورنٹ کے مالک کو آئندہ ایسا کچھ نہ کرنے کی تنبیہ بھی کی۔ سورت کانگریس کے سابق کونسلر اسلم سائیکل والا نے بھی پاکستان فوڈ فیسٹیول کے بینر پر طنزیہ تبصرہ کیا، انہوں نے بینر کی ویڈیو سوشل میڈیا پر پوسٹ کی۔
اسلم سائیکل والا نے سوشل میڈیا جیسے فیس بک اور واٹس ایپ پر ویڈیو پوسٹ کی کہ ' ٹیسٹ آف انڈیا' سورت شہر میں ایک نام نہاد بی جے پی ٹائیکون کا مشہور ریسٹورنٹ اب سے 10 دن تک 'پاکستانی فوڈ فیسٹیول' منائے گی۔ بی جے پی اور ان کی بھگینی تنظیم جو خود کو اعلیٰ محب وطن کہتی ہیں، اس ہورڈنگ سے تو متفق ہوں گے، لیکن اس پاکستانی فوڈ فیسٹیول سے، اور میں اور میرے جیسے لوگوں سے متفق نہیں ہیں۔
یہ بھی پڑھیں: Proest against Farooq Abdullah: بجرنگ دل کا فاروق عبداللہ کے خلاف احتجاج
آگے انہوں نے واضح کیا کہ اگر پاکستان کی تعریف کرنے والے ایسے ہورڈنگز بی جے پی کے کسی مخالف نے لگائے ہوتے تو بی جے پی اور اس کے اتحادی یہ ثابت کرنے سے باز نہ آتے کہ وہ شخص اب 'غدار' ہے۔
