احمدآباد میونسپل کارپوریشن نے کورونا وائرس کی ممکنہ تیسری لہر کے پیش نظر تیاریاں شروع کردی ہیں. جس کے تحت احمدآباد کی ایس وی پی، وی ایس، ایل جی اور شاردہ بین نامی اسپتالوں میں مزید 1241 بیڈ کا اضافہ کیا گیا ہے. اس کے ساتھ ہی آکسیجن بیڈز کی تعداد میں بھی اضافہ کرنے کا فیصلہ لیا گیا ہے تاکہ کورونا وائرس کی تیسری لہر کے دوران کورونا مریضوں جو بیڈز کی کمی کا سامنا نہ کرنا پڑے.
کورونا کی تیسری لہر کو مدنظر رکھتے ہوئے احمدآباد میں ریڈمی سیور، ٹوسیلی زومیب ،اینٹی وائرل اور اینٹی بایوٹیک انجیکشن اور دوانیوں کو خریدنے کی سرگرمیاں پہلے ہی شروع کردی گئی ہیں. اس کے علاوہ افسران کو آکسیجن پلانٹ، آکسیجن کونسنٹر اور آکسیجن کی فراہمی کے لئے مختلف؛ ایجنسیوں کے ساتھ ہم آہنگی کا کام سونپا گیا ہے. اس کے ساتھ ہی احمدآباد میونسپل کارپوریشن کے زیر انتظام اسپتالوں میں آکسیجن، آئی سی یو وینٹی لیٹر اور بنا آئی سی یو کے وینٹی لیٹر موجود بیڈز کی تعداد بڑھا کر 2247 کردی گئی ہے.
یہ بھی پڑھیں:Tokyo Olympics: اولمپکس کا 13واں دن: ان کھلاڑیوں سے توقعات
Tokyo Olympics: ایتھلیٹ نیرج چوپڑا نے پہلی ہی کوشش میں فائنل میں کوالیفائی کرلیا
اس تعلق سے احمدآباد میونسپل کارپوریشن کے ڈپٹی میونسپل کمشنر پروین چودھری نے بتایا ہے کہ میونسپل کارپوریشن سب سے پہلے مختلف زمروں کے آکسیجن بیڈز تعداد میں اضافہ کرنے کو ترجیح دے رہا ہے اور کورونا وائرس کی تیسری لہر کا سامنا کرنے کے لیے ہر ممکنہ اقدامات اٹھائے جارہے ہیں تاکہ عوام کو پہلی جیسی پریشانیوں کا سامنا نہ کرنا پڑے.
