شہروں میں مناسب پانی کی تقسیم اور گندے پانی کے دوبارہ استعمال کا پتہ لگانے اور چیلنجنگ عمل کے ذریعہ پانی کی مقدار اور کوالٹی سے متعلق واٹر باڈیز کی میپنگ کرنے کے لئے پینے کے پانی کا سروے کیا جائے گا۔
مرکزی رہائش اور شہری امور کے سکریٹری درگاشنکر مشرا نے منگل کو یہاں بتایا کہ جل جیون مشن-اربن کے تحت ایک پائلٹ پروگرام کے طورپر پینے کے پانی کا سروے شروع کیا جارہا ہے۔ انہوں نے کہا کہ پہلے قدم کے طور پر وزارت نے دس شہروں آگرہ ، بادل پور ، بھوبنیشور ، چورو ، کوچی ، مدورائی ، پٹیالہ ، روہتک ، سورت اور تمکور میں پینے کے پانی کے سروے کو پائلٹ کی بنیاد پر شروع کرنے کا فیصلہ کیا ہے۔ پائلٹ سروے کے نتائج کی بنیاد پر سروے کو امروت کے تمام شہروں تک اسے توسیع دی جائے گی۔
انہوں نے بتایا کہ پینے کے پانی ، گندے پانی کے انتظام ، غیر محصولاتی پانی اور تین آبی اداروں کی حیثیت سے متعلق اعداد و شمار شہریوں اور میونسپل حکام کےسامنے انٹرویو کے ذریعے جمع کیے جائیں گے۔ یہ سروسے طے کئے گئے سوال ناموں کی بنیاد پر اور 'کال انٹرویو' ، پانی کے نمونے جمع کرنے اور لیبارٹری ٹیسٹنگ اور غیر محصول والے پانی کے لئے 'فیلڈ سروے' کی بنیاد پر کیا جائے گا۔
مسٹر مشرا نے بتایا کہ ٹیکنالوجی پر مبنی پلیٹ فارم کے ذریعہ اس مشن کی نگرانی کی جائے گی۔ اس پلیٹ فارم سے پیشرفت اور نتائج کی بنیاد پر فائدہ اٹھانے والوں کی نگرانی کی جائے گی۔ ان منصوبوں کے لئے حکومت کی طرف سے فنڈنگ تین مراحل میں کی جائے گی۔ تیسری قسط دستیاب ورکنگ رزلٹ کی بنیاد پر جاری کی جائے گی۔
