ریاست مہاراشٹر میں آنے والے غیر ممالک سے 9 مسافروں کی کورونا رپورٹ مثبت Corona Report Of 9 Passengers positive آنے کے بعد مہاراشٹر حکومت الرٹ ہوگئی ہے، تفصیلات کے مطابق مرکزی حکومت کی جانب سے موصول ہونے والے رہنمایانہ خطوط کے بعد ریاستی حکومت نے بھی اپنے ترمیم کردہ رہنمایانہ ہدایات کو جاری کر دیا ہے۔
اس کے مطابق مہاراشٹر حکومت نے ریاست میں آنے والے مسافروں کے لیے پرانے رہنمایانہ خطوط میں تبدیلی کی ہے۔ یہاں تک کہ اندرون ملک ہوائی سفر کے لیے بھی مسافروں کو مکمل کورونا ویکسینیشن کروانا ضروری Coronavirus Vaccination Is Must ہے۔تمام مسافروں کو بورڈنگ سے 72 گھنٹے پہلے کورونا منفی RT-PCR رپورٹ دکھانی ہوگی۔
اس کے ساتھ ساتھ ویکسینیشن سرٹیفکیٹ بھی اپنے ساتھ رکھنا ضروری ہوگا۔ یہاں تک کہ اگر مسافر ہوائی سفر کے لیے ہوائی اڈے پر ان دونوں اصولوں پر عمل نہیں کرتے ہیں تو انہیں سفر کرنے کی اجازت نہیں ہوگی۔ ادھو حکومت نے یہ سخت اقدام مرکزی حکومت کی جانب سے ملنے والے خط کے بعد اٹھایا ہے۔
واضح رہے اس سے قبل کورونا وائرس کے اومیکرون وائرس کے خدشات کے پیش نظر مرکزی حکومت نے بدھ کو ریاستی حکومت سے کہا کہ وہ بین الاقوامی مسافروں کے قرنطینہ سے متعلق ریاستی حکومت کے نظرثانی شدہ رہنمایانہ خطوط پر عمل کرتے ہوئے مرکزی وزارت صحت کے ذریعہ جاری کردہ ایس او پی کے مطابق احکامات جاری کرے۔
یہ بھی پڑھیں: Omicron Symptoms Did Not Appear: مہاراشٹر میں اومائیکرون موجود نہیں
ریاستی ڈیزاسٹر مینجمنٹ اتھارٹی کی طرف سے گزشتہ رات جاری کردہ رہنمایانہ خطوط کے مطابق ریاستی حکومت نے غیر ممالک سے آنے والے مسافروں کے لیے 7 دنوں کے لیے قرنطینہ کو لازمی قرار دیا ہے۔ اسی طرح مسافروں کو آمد کے دوسرے، چوتھے اور ساتویں دن آر ٹی پی سی آر RT-PCR ٹیسٹ کرانا ہوگا۔ اگر کورونا سے متاثر پایا گیا تو مسافر کو اسپتال بھیجا جائے گا۔ یہاں تک کہ اگر مسافر منفی پایا جاتا ہے تب بھی اسے7 دنوں تک قرنطینہ میں رہنا پڑے گا۔
