کووڈ لاک ڈاؤن کے دوران ملک میں صرف 38 فیصد افراد ہی انٹرنیٹ کے ذریعے صحت خدمات تک رسائی حاصل کر پائے اور تقریباً 36 فیصد بچے تعلیم سے محروم رہے۔
ڈیجیٹل کے استعمال پر قومی سطح پر جاری ایک سروے میں کہا گیا ہے کہ لاک ڈاؤن میں صرف 38 فیصد لوگ ہی صحت کی نگرانی کے لیے آن لائن طبی مشاورت حاصل کر پائے۔ دریں اثناء صرف 10 فیصد ہندوستانیوں نے گھر سے کام کیا۔
مزید پڑھیں :ملک میں کووڈ انفیکشن کے 12,516 نئے کیسز
جمعہ کو یہاں جاری ایک سروے میں کہا گیا ہے کہ پچھلے چار برسوں میں انٹرنیٹ کا استعمال دوگنا سے بھی زیادہ ہو گیا ہے اور کووڈ لاک ڈاؤن نے انٹرنیٹ کنیکٹیویٹی کی مانگ میں بہت زیادہ اضافہ کیا ہے۔ اس دوران 15-65 سال کی عمر کے 49 فیصد لوگوں نے انٹرنیٹ استعمال کیا جبکہ 2017 میں یہ تعداد صرف 19 فیصد تھی۔ سال 2021 میں 61 فیصد خاندان انٹرنیٹ استعمال کر رہے ہیں جبکہ سال 2017 میں یہ تعداد صرف 21 فیصد تھی۔ یہ سروے ڈیجیٹل پالیسی کے مسائل کا مطالعہ کرنے والے ادارے ایل آئی آر این ای ایشیا اور آئی سی آر آئی ای آر نے کیا ہے۔
یو این آئ
