بارش کی رفتار میں کمی لیکن ابتر نکاسی نظام سے لوگوں کا برا حال

ریاست کے مختلف اضلاع میں گزشتہ پیر سے ہونے والی بارش کی رفتار میں تھوڑی کمی آئی ہے، لیکن ابتر نکاسی نظام سے لوگوں کا برا حال ہے۔

مغربی بنگال میں گزشتہ پیر سے جاری بارش میں تھوڑی کمی ضرور آئی ہے، لیکن ابتر نکاسی نظام (drainage system ) سے لوگوں کا برا حال ہے اور ان کی پریشانیوں میں مزید اضافہ ہوا ہے۔

مغربی بنگال میں گزشتہ 72 گھنٹوں سے زائد وقفے سے رک رک کر موسلادھار بارش کا سلسلہ جاری ہے۔ پیر کی شام سے جاری بارش اب تک جاری ہے۔علاقوں میں بارش کے جمے ہوئے پانی کے سبب فٹ پاتھ پر دکان لگانے والوں چھوٹے تاجروں اور دکانداروں کو زبردست مالی نقصان کا سامنا کرنا پڑ رہا ہے۔

بارش سے متاثر مسلم اکثریتی علاقوں جہاں بارش کے جمے ہوئے پانی سے لوگوں کو بڑی دشواریوں کا سامنا کرنا پڑ رہا ہے وہاں بہتر پانی کے نکاسی کا کوئی نظام نہیں ہے۔ حیرت کی بات یہ ہے کہ ان علاقوں کے ابتر نکاسی نظام کو بہتر بنانے کے لیے اب تک کوئی ٹھوس اقدامات بھی نہیں کیے گئے ہے۔ جنریٹر کی مدد سے بعض مقامات سے گندے پانی نکالنے کا کام جاری ہے اس کے باوجود لوگوں کی پریشانیاں کم ہونے کا نام نہیں لے رہی ہیں۔

دوسری طرف علی پور محکمہ موسمیات (Alipore metrological department ) کی جانب سے ایک بار پیشینگوئی کی گئی ہے کہ خلیج بنگال میں ہواؤں کا گہرا دباؤ اب بھی بنا ہوا ہے جس کے سبب گلاب نامی طوفان مزید بھیانک ہو سکتا ہے۔ انہوں نے کہاکہ ساحلی اضلاع میں رہنے والے لوگوں کو انتباہ کیا ہے کہ وہ سمندر میں کشتی اتارنے سے گریز کریں۔'