ریاست اترپردیش کے ایٹا ضلع میں تیز رفتار کار سوار بی جے پی رہنما کی نیل گائے سے ٹکرا جانے کی وجہ سے موت ہو گئی۔وہیں کار میں سوار بی جے پی رہنما کی اہلیہ سمیت دو شدید زخمی ہو گئے۔
دراصل 29 نومبر کی صبح نواب گنج فرخ آباد کے رہائشی بی جے پی رہنما پروین کمار آگرہ سے اپنی اہلیہ کے ساتھ گھر واپس آرہے تھے۔ اسی دوران بی جے پی رہنما کی تیز رفتار کار نیل گائے سے ٹکرا گئی۔
بتایا جا رہا ہے کہ تصادم اتنا شدید تھا کہ آواز سن کر آس پاس کے لوگ موقع پر پہنچ گئے۔
مقامی لوگوں نے جائے وقوعہ پر دیکھا کہ پروین کمار نے موقع پر ہی دم توڑ دیا۔ وہیں اسی حادثے میں ان کی اہلیہ جمنا کٹھیریہ اور ایک اور شخص گڈن کتھیریہ شدید زخمی تھے۔
اطلاع ملتے ہی باگوالا پولیس موقع پر پہنچ گئی۔ پولیس نے زخمیوں کو علاج کے لیے ہسپتال میں داخل کرایا۔
وہیں ہلاک ہونے والے بی جے پی رہنما پرین کمار کی لاش کو قبضہ میں لیکر پوسٹ مارٹم کے لئے بھیج دیا گیا۔
بتایا جارہا ہے کہ مقتول بی جے پی رہنما پرین کمار 'مشن مودی اگین آگرہ ' کے انچارج تھے اور آگرہ سے میٹینگ کے بعد گھر واپس آرہے تھے۔
