محکمہ اطلاعات و تعلقات عامہ کے ڈائرکٹر سعید صحر اسغر کی کوششوں سے اس پروگرام کا انعقاد کیا گیا۔ اس پروگرام میں بڑی تعداد میں بچوں نے حصہ لیا۔ بچوں کو بتایا گیا کہ وہ اپنے گھروں میں اور اسکول میں اپنے ساتھ ہونے والے کسی بھی طرح کی نازیبا حرکت پر اپنے والدین اور اساتذہ کو مطلع کریں۔
اس موقع پر ضلع انفارمیشن افسر سجاد سمبریا نے کہا کہ 18 برس سے کم عمر کے بچوں کا تحفظ بہت ضروری ہے۔ انہوں نے کہا کہ اگر کوئی بھی شخص 18 برس سے کم عمر کے بچوں کے ساتھ جنسی زیادتی کرتا ہے تو اس شخص کو پاکسو ایکٹ کے تحت 10 برس تک کی سزا دی جا سکتی ہے۔
انہوں والدین اور اساتذہ سے اپیل کی کہ وہ بچوں کے لیے گھر اور اسکول میں دوستانہ ماحول بنائیں، تاکہ بچے ان سے بات کر سکیں اور اپنے ساتھ ہونے والی نازیبا حرکت کی اطلاع دے سکیں۔
گورمنٹ ماڈل گرل ہائیر سکنڈری اسکول کے پرنسپل نے اجلاس کو خطاب کرتے ہوئے محکمہ اطلاعات و تعلقات کا شکریہ ادا کیا اور کہا کہ حکومت کی اس پہل سے معاشرے کو بہت فائدہ ہوگا۔ انہوں نے کہا کہ اس مہم سے ادھم پور کے بچے جنسی ہراسانی کے تئیں بیدار ہوں گے۔
