مہاجر پرندوں کے شکار کو روکنے کے لیے پولیس کی مدد

جموں و کشمیر محکمہ وائلڈ لائف نے وادی کشمیر کے آبی پناہ گاہوں میں مہاجر پرندوں کے شکار اور ان کی خرید و فروخت پر روک لگانے کے لئے جموں و کشمیر پولیس سے رجوع کیا ہے اور اس معاملے میں ان سے مدد طلب کر لی ہے۔

کشمیر میں موسم سرما شروع ہوتے ہی جہاں ہر سال لاکھوں تعداد میں مہمان پرندے وارد کشمیر ہوکر یہاں کی آبی پناگاہوں کی رونق دوبالا کرتے ہیں وہیں آئے روز ان پرندوں کا شکار بھی کیا جاتا ہے اور محض چند پیسوں کی عوض ان کا شکار کر کے فروخت کیا جاتا ہے۔

اس ضمن میں محکمہ وائلڈ لائف وارڈن کشمیر کی جانب سے جاری کردہ ایک حکمنامے میں کہا گیا ہے کہ کہ محکمہ وائلڈ لائف پروٹیکشن فورس اور مقامی پولیس سے کشمیر کے آبی خطوں میں نقل مکانی کرنے والے پروندوں کے غیر قانونی شکار اور فروخت کو روکنے کے لئے پولیس کی مدد طلب کی ہے۔

حکمنامے میں مزید کہا گیا ہے کہ اب کوئی بھی شخص جو پروندوں کی تلاش، غیر قانونی شکار،گرفت یا فروخت کرے گا اس پر ایک برس کی قید کی سزا دی جائے گی۔ جبکہ دس ہزار روپے تک کا جرمانہ بھی عائد کیا جائے گا۔